Астана, 2026 жылғы 24 тамыз – Karavan Info ақпараттық агенттігі. Шанхай ынтымақтастық ұйымының бақылаушылар миссиясы жақында өткен Құрылтай сайлауын Қазақстанның ұлттық заңнамасы мен халықаралық міндеттемелеріне сәйкес деп таныды. Бұл туралы ШЫҰ Бас хатшысының орынбасары Т.Р. Мидхун Халықаралық бақылаушыларға көмек көрсету орталығында өткен баспасөз мәслихатында мәлімдеді.

Миссия құрамына ШЫҰ-ға мүше алты мемлекеттен аккредиттелген 17 бақылаушы кірді. Олар Астана мен Ақмола облысында жұмыс істеп, 102 сайлау учаскесіне барды. Миссия азаматтық белсенділіктің жоғары деңгейін, сайлау учаскесі комиссиясы мүшелерінің кәсібилігін және әйелдер мен жастардың дауыс беруге белсенді қатысуын атап өтті. Сайлаудың заңдылығына күмән келтіретін ешқандай бұзушылық тіркелген жоқ.

«Миссия жақында өткен Құрылтай депутаттарының сайлауын ашық, сенімді және демократиялық деп таниды. Бұл Қазақстандағы демократиялық процестерді одан әрі дамыту жолындағы маңызды қадам болды», — деді Т. Р. Мидхун.

Фото: Қазақстан Республикасы Президентінің баспасөз қызметі