Минск, 11 сентябри соли 2026 АИ Караван Инфо. Дар Минск Ҷаласаи XXII Шӯрои Машваратии роҳбарони хадамоти давлатии бойгонии давлатҳои иштирокчии Иттиҳоди Давлатҳои Мустақил (ИДМ) баргузор гардид. Намояндагони Қазоқистон, Озарбойҷон, Арманистон, Беларус, Қирғизистон, Русия, Тоҷикистон, Узбекистон ва кумитаи Иҷроияи ИДМ иштирок намуданд.

Ҷониби Қазоқистон дар бораи самтҳои асосии рушди корҳои бойгонӣ дар кишвар ва кор оид ба такмили соҳа маълумот пешниҳод намуд. Дар доираи конфронси байналмилалии илмӣ-амалӣ “Ҳифзи фондҳои миллии бойгонӣ: таҷриба ва дурнамо” инчунин дар бораи ҳолат ва таъмини ҳифзи ҳуҷҷатҳои фонди миллии бойгонии Қазоқистон гузориш пешниҳод намуда шуд.

Иштирокчиён ҷорӣ намудани технологияҳои муосир, таъмини бехатарии фондҳои бойгонӣ ва васеъ намудани дастрасӣ ба ҳуҷҷатҳоро муҳокима намуданд. Ба рушди системаҳои иттилоотӣ ва хидматҳои электронӣ, инчунин такмили равандҳои баҳисобгирӣ, нигоҳдорӣ ва истифодаи ҳуҷҷатҳои бойгонӣ диққати махсус дода шуд.

Аксҳо: Вазорати Фарҳанг ва иттилооти ҶҚ