Астана, 2026 жылғы 18 қыркүйек – Karavan Info ақпараттық агенттігі. ҚР Сыртқы істер министрінің орынбасары Арман Исағалиев Нигерия Федеративтік Республикасының Төтенше және Өкілетті Елшісі, Қазақстанда қоса тіркелген Джозеф Олусола Иджимен кездесті.

Елші сенім грамоталарының көшірмелерін тапсырып, екі ел арасындағы өзара тиімді ынтымақтастықты нығайтуға, сондай-ақ халықаралық ұйымдар аясындағы өзара іс-қимылды тереңдетуге деген міндеттемесін растады.

Исағалиев елшіні тағайындалуымен құттықтап, оның миссиясы Астана мен Абуджа арасындағы достық қарым-қатынастарды дамытуға үлес қосатынына сенім білдірді. Тараптар саяси диалогты жандандыру, сауда-экономикалық серіктестікті нығайту, ауыл шаруашылығы мен өнеркәсіп саласындағы ынтымақтастықты кеңейту мәселелерін талқылады.

Фото : Қазақстан Республикасы Сыртқы істер министрлігі