ООГАНСТАН, 2026-жылдын 7-октябры – Karavan Info маалымат агенттиги. Иран менен Талибандын өкүлдөрү Милек чек ара бекетинин кийинки айдын ичинде суткасына 24 саат иштеши үчүн шарттарды даярдоого макулдашышты.
Ошондой эле, тараптар сооданы кеңейтүү жана чек арадагы инфраструктуралык маселелерди чечүүнү талкуулашты.
IRNA агенттигинин маалыматы боюнча, Иран менен Ооганстандын ортосундагы импорт быйыл 100% га, ал эми транзит 26% дан ашык өскөн.
Убактылуу топурак жол ачылгандан кийин, чек ара базарлары аркылуу экспорттун жана импорттун көлөмү эки эсеге көбөйдү.
Иран тарап ошондой эле Гамшад чек ара бекетин ачууга даярдоону көздөп жатат.
Чек ара соодасын өнүктүрүү жана суу ресурстары жаатындагы кызматташтык өзүнчө талкууланды: Ирандын расмий өкүлүнүн айтымында, Кабул Ирандын Систан провинциясын суу менен камсыздоого жана экологиялык маселелерди чечүүгө көмөктөшүүнү уланта берерин убада кылды.
Сүрөт: Ооганстандын Улуттук радиосу/телевидениеси "Мили"