МОСКВА, 2026-жылдын 7-октябры – Karavan Info маалымат агенттиги. Россиянын президенти Владимир Путин 8-9-октябрда Түркмөнстанга иш сапары менен барып, КМШ мамлекет башчыларынын кеңешинин жыйынына жана Каспий экологиялык саммитине катышат. Бул тууралуу президенттин жардамчысы Юрий Ушаков билдирди.

КМШ лидерлеринин негизги жолугушуусу 9-октябрда Аваза улуттук туристтик аймагында өтөт.

Мамлекет башчылары Шериктештиктин алкагында кызматташууну өнүктүрүү, 2027-жылы Өзбекстандын төрагалыгы жана кийинки саммиттин датасын талкуулашат. Жолугушуунун жыйынтыгында документтерге кол коюу пландаштырылууда.

2026-жылы КМШ 35 жашка толот.

Ушаковдун айтымында, Орусиянын Шериктештик өлкөлөрү менен болгон соода жүгүртүүсү 2025-жылы 110 миллиард доллардан ашкан, ал эми 2026-жылдын биринчи жарымында дагы 12% га өскөн.

Саммитке сегиз мамлекеттин — Россия, Түркмөнстан, Азербайжан, Беларус, Казакстан, Кыргызстан, Тажикстан жана Өзбекстандын — башчылары, ошондой эле Армениянын премьер-министри Никол Пашинян катышаарын ырасташты.

Ирандын президенти Масуд Пезешкиан кеңейтилген форматта биринчи жолу катышат.

Сүрөт: Вячеслав Прокофьев/РИА Новости