Туркманбошӣ, 8 октябри соли 2026 АИ Караван Инфо. Вазири корҳои хориҷии Қазоқистон Мухтор Тлеубердӣ дар ҷаласаи навбатии Шӯрои вазирони корҳои хориҷии Иттиҳоди Давлатҳои Мустақил (ИДМ) иштирок намуд. Иштирокчиён оид ба масъалаҳои мубрами рӯзномаи байналмилалӣ ва рушди ҳамкориҳои бисёрҷониба мубодилаи афкор намуданд.

Тлеуберди ба иштирокчиён дар бораи муносибатҳои Қазоқистон оид ба ҳамкорӣ дар доираи созмон хабар дод ва як қатор пешниҳодҳоеро пешниҳод намуд, ки ба рушди иқтидори Иттиҳод нигаронида шудаанд. Диққати асосии кор ба омодасозии Саммити ояндаи ИДМ, ки бо иштироки роҳбарони кишварҳои Иттиҳод санаи  9 октябр дар Туркманистон баргузор мешавад, равона намуда шуд.

Вазирон изҳороти сиесии сарони давлатҳоро ба муносибати 35-солагии таъсисебии ИДМ ва масъалаҳои ҳифзи хотираи таърихӣ тасдиқ намуданд. Инчунин лоиҳаҳои ҳуҷҷатҳое, ки ба таҳкими ҳамкорӣ дар соҳаҳои амният, ҳамкории иқтисодӣ ва фарҳангӣ-гуманитарӣ, инчунин ҳамкорӣ дар соҳаи нақлиёт, илм, кайҳон ва технологияҳои иттилоотӣ-коммуникатсионӣ равона шудаанд, тасдиқ намуда шуданд.

Дар натиҷаи мулоқот ҷонибҳо манфиатдории худро ба таҳкими минбаъдаи ҳамкорӣ дар доираи Иттиҳод тасдиқ намуда, ҷонибдори татбиқи амалии созишномаҳои бадастомада ва баланд бардоштани самаранокии механизмҳои ҳамкории бисёрҷониба шуданд.

Аксҳо: ВКХ–и ҶҚ