АУҒАНСТАН, 2026 жылғы 15 қазан – Karavan Info ақпараттық агенттігі. Сауд Арабиясына ресми сапары барысында Ауғанстан Талибан әкімшілігінің энергетика және су ресурстары министрі Мохаммад Юнус Ахундзада сол елдің энергетика министрінің орынбасары Мохаммад Ибрагиммен кездесті.
Ауғанстан тарабы Сауд Арабиясының өкілдері мен техникалық мамандарын Ауғанстанға сапармен келуге шақырды. Сауд Арабиясы тарапы шақыруды құптады.
Талибан әкімшілігінің Энергетика және су ресурстары министрлігі сәрсенбі, 14 қазанда хабарлағандай, кездесуде энергетика саласындағы, әсіресе күн және жел энергиясы саласындағы ынтымақтастықты кеңейту, тәжірибе алмасу және бірлескен жобаларды іске қосу мүмкіндіктері талқыланды.
Сауд Арабиясы тарапы жақын арада Ауғанстанға өз өкілдері мен техникалық топты жіберіп, қолда бар мүмкіндіктерді бағалау және ынтымақтастықтың практикалық бағыттарын талқылау ниетін мәлімдеді.
Мохаммад Юнус Ахундзада бастаған делегация 10 қазан, сенбі күні 17-ші Дүниежүзілік энергетика форумына қатысу үшін Сауд Арабиясына келді.
Фото: Ariana News