Астана, 2026 жылғы 19 қазан – Karavan Info ақпараттық агенттігі. Қазақстан мен Камбоджа сауда-экономикалық ынтымақтастық туралы меморандумға қол қойды. Құжаттармен алмасу рәсімі Ақорда резиденциясында Президент Қасым-Жомарт Тоқаев пен Камбоджа Премьер-Министрі Хун Манеттің қатысуымен өтті.

Құжатқа Сауда және интеграция министрі Арман Шаққалиев пен Камбоджаның Сауда министрі Чам Нимул қол қойды. Меморандум сауда, инвестиция, шағын және орта бизнес, көлік және логистика, ауыл шаруашылығы, энергетика, цифрландыру және техникалық реттеу салаларын қамтиды. Онда іскерлік топтар арасындағы тікелей байланыстарды кеңейту, тәжірибе алмасу және бірлескен іс-шаралар өткізу көзделген.

Фото : Ақорда