Москва, 2026-жылдын 21-октябры – Karavan Info маалымат агенттиги. Москвада Евразия экономикалык биримдигине (ЕАЭБ) мүчө-мамлекеттердин энергетика тармагындагы ыйгарым укуктуу органдарынын жетекчилеринин кеңешинин 14-жыйыны өттү. Министрлер газ, мунай, мунай продуктулары жана электр энергиясынын жалпы рынокторун түзүү маселесин талкуулашты.

Жалпы энергетикалык рыноктор үчүн ченемдик укуктук базаны иштеп чыгууга жана ЕАЭБ өлкөлөрүнүн мамилелерин шайкеш келтирүүгө өзгөчө көңүл бурулду. Катышуучулар кызматташтыкты бекемдөө үчүн диалогдун маанилүүлүгүн дагы бир жолу тастыкташты. Жолугушуу Евразиялык энергетикалык интеграцияны өнүктүрүүдөгү кадам болду.

Сүрөт : Казакстан Республикасынын Энергетика министрлиги