Остона, 29 октябри соли 2026 АИ Караван Инфо. Дар Қазоқистон усули муайян намудани некӯаҳволии иҷтимоии оила барои дастгирии суроғавӣ такмил дода шуд. Аз арзёбӣ техникаи кишоварзии аз 20-сола боло, соҳибкории инфиродӣ, мавҷудияти шахси ҳуқуқӣ ва қитъаҳои хурди замин хориҷ намуда шуданд.

Вазири меҳнат ва ҳифзи иҷтимоӣ Аскарбек Ертаев хабар дод, ки равишҳои арзёбии даромад ва ӯҳдадориҳои қарзӣ, аз ҷумла ипотека аз нав дида баромада шудаанд. Мавҷудият ва ҳолати мошинҳо ва техникаи кишоварзиро ба назар мегиранд. Дар ин ҳолат техникаи аз 20 сола боло, соҳибкории инфиродӣ, шахсони ҳуқуқӣ, қитъаҳои хурди замин ва хоҷагии ёрирасони шахсӣ ба назар гирифта намешаванд. Илова бар ин, хароҷоти нигоҳдории оила, қарзҳо, мавҷудияти таъминкунандаи ягона ва манзили ягона ба назар гирифта мешаванд.

“Мо техникаи кишоварзии аз 20-соларо комилан аз байн бурдем. Соҳибкории инфиродӣ ва мавҷудияти шахси ҳуқуқӣ ба инобат гирифта намешавад. Мо инчунин мавҷудияти қитъаҳои хурди замин ва хоҷагии ерирасони шахсиро ба назар намегирем”, – қайд намуд Ертаев.

Ҳамзамон 30 системаи иттилоотии мақомоти давлатӣ санҷида шуда, вазъи моддии гирандагони кӯмакпулиҳо бо мақомоти иҷроияи маҳаллӣ санҷида мешаванд. Ин дақиқии арзебӣ ва суроғагузории дастгириро зиёд мекунад.

Сурат: МТСЗН ҶҚ