Кыргызстандын товарларынын тышкы жана өз ара соодасынын көлөмү 2024-жылдын январь-августунда 10,6 млрд. АКШ долларын түздү, деп билдирет Улуттук статистика комитети. 

Маалыматка ылайык, көрсөткүч 2023-жылдын январь-августуна салыштырмалуу 9,0 пайызга көбөйдү. Мында экспорттук жөнөтүүлөр 13,1 пайызга, импорттук келип түшүүлөр 8,1 пайызга көбөйгөн.

ЕАЭБге мүчө мамлекеттер менен өз ара сооданын көлөмү 2024-жылдын январь-августунда 3,2 млрд. АКШ долларын түздү жана 2023-жылдын январь-августуна салыштырмалуу 8,8 пайызга көбөйдү.

Бул мезгилде республиканын өз ара соодасынын эң көп үлүшү Россияга (71,2 пайыз) жана Казакстанга (26,9 пайыз) туура келди.

Ақпарат көзі: сайт https://caravan-info.kg/