15-октябрдан 18-октябрга чейин Душанбеде тажик киносунун күнүнө (16-октябрь) арналган “Тожи Сомон” эл аралык кинофестивалы өтөт. Бул тууралуу “Тажикфильм” мамлекеттик мекемеси билдирди. Кинофестивалдын урааны – “Чыныгы искусствого таазим”.

Иш-чарада толук метраждуу, даректүү, кыска метраждуу көркөм жана улуттук тасмалар, анын ичинде 2023–2024-жылдары тартылган тасмалар көрсөтүлөт.

Эске сала кетсек, “Тожи Сомон” эл аралык кинофестивалы “Тажикстан Республикасынын кинематографиясын 2023–2027-жылдарга өнүктүрүү программасынын” алкагында улуттук кызыкчылыктарды татыктуу көрсөтүү, чыгармачыл элде өлкөнүн кооз пейзаждарын даңазалоо, туристтерди тартуу, кино жаатында кайталангыс таланттарды издөө, патриоттук сезимди жана сыймыктануу сезимин тарбиялоо максатында өткөрүлүүдө.

Сүрөт: «Тажикфильм» мамлекеттик мекемеси.