19-20 қазанда Душанбе қаласында «Достастық-2024» TRAVEL HUB Халықаралық форумы өтеді. Бұл туралы Тәжікстан Республикасы Үкіметінің жанындағы туризмді дамыту комитеті хабарлады.

Форумның мақсаты Тәуелсіз Мемлекеттер Достастығы (ТМД) мемлекеттерінде туризмді дамытудың және оны қолдаудың жаңа бағыттарын айқындау, сондай-ақ осы саладағы жаңа заңнамалық бастамаларды ұсыну болып табылады. Форум инвестициялық жобалар туралы тәжірибе және ақпарат алмасу платформасын ұсынады.

Іс-шараға ТМД елдерінің мемлекеттік органдарының өкілдері, парламентшілер, қауымдастықтардың, туристік компаниялардың, қонақ үйлердің басшылары, сондай-ақ сарапшылар мен кәсіпкерлер қатысады.

Фото: ашық дереккөздерден