Сингапур томонининг таклифига биноан Қозоғистон Ташқи ишлар вазирининг ўринбосари Алибек Бақаев Сингапурга расмий ташриф билан ташриф буюрди ва у ерда Қозоғистон Республикаси ва Сингапур Республикаси Ташқи ишлар вазирликлари ўртасидаги сиёсий маслаҳатлашувларнинг тўртинчи босқичида иштирок этди.
Сингапур Ташқи ишлар вазирлиги доимий котиби ўринбосари Kевин Чеок билан музокаралар чоғида икки томонлама ва кўп томонлама кун тартибига оид кенг кўламли масалалар юзасидан фикр алмашилди.
Икки томонлама сиёсий мулоқот ривожланаётгани, олий ва юқори даражадаги алоқалар фаоллашаётгани қайд этилди, шунингдек, 2024 йил охиригача мамлакатлар ўртасида бўлажак ташриф ва тадбирлар муҳокама қилинди.
Учрашувда савдо-иқтисодий ҳамкорликни ривожлантириш, шунингдек, икки давлат ўртасида сув ресурсларини бошқариш, ақлли шаҳарлар, транспорт алоқаси, қишлоқ хўжалиги, озиқ-овқат саноати, рақамли ва яшил иқтисодиёт, туризм, фан ва таълим каби соҳаларда ҳамкорлик қилиш салоҳияти қайд этилди.
Фото: Қозоғистон Ташқи ишлар вазирлиги