Казакстандын президенти Касым-Жомарт Токаев Казакстандын каржы министри Мади Такиев менен жолугушуп, мамлекеттик каржынын учурдагы абалын жана быйылкы жылдын биринчи кварталындагы республикалык бюджеттин аткарылышын талкуулады. М.Такиев бюджеттин негизги параметрлерин чагылдырган баяндамасын берди, тактап айтканда:

1. Үстүбүздөгү жылдын үч айында казынага 4,5 триллион теңгеге жакын киреше түштү.

2. Чыгымдарды 300 миллиард теңгеден ашык кыскартуу сунушталууда.

3. Жаңы Салык кодексинин долбоорунда салыктык башкаруунун сервистик модели, ошондой эле текшерүүлөрдү кыскартуу жана салык милдеттенмелерине көзөмөлдү жакшыртуу боюнча өзгөртүүлөр каралган.

4. Өткөрүү жөндөмдүүлүгүн жогорулатуу жана транзиттик убакытты кыскартуу максатында Евразия экономикалык биримдигинин (ЕАЭБ) чек арасындагы бажы инфраструктурасын модернизациялоо боюнча иштер пландаштырылууда.

Бажы инфраструктурасын модернизациялоо долбоору ЕАЭБ чек арасындагы өткөрүү пункттарын реконструкциялоону жана мамлекеттик сатып алуулардын жол-жоболорун жөнөкөйлөтүүнү да карайт.

Бул чаралардын бардыгы каржылык агымдарды натыйжалуу башкарууга жана мамлекеттик жана квазимамлекеттик уюмдардын сатып алуу ишинин ачыктыгын жогорулатууга көмөктөшүүгө тийиш.

Президент Касым-Жомарт Токаев министр Мади Такиевге мамлекеттик каржынын абалын жакшыртууну, бюджеттин балансын камсыздоону, салык жана бажылык башкарууну санариптештирүүнү тапшырды.

Сүрөт: Казакстан Республикасынын Президентинин расмий сайты