Қирғизистон Ислом тараққиёт банки билан «Шариат меъёрларига мувофиқ арзон уй-жойларни молиялаштириш» лойиҳаси бўйича 79 миллион доллар миқдорида шартнома имзолади».

Имзолаш маросими Вазирлар Маҳкамаси раисининг биринчи ўринбосари Адылбек Касималиев ва Ислом тараққиёт банки (ИТБ) Президенти Муҳаммад Сулаймон Ал-Жасир ўртасидаги учрашувда бўлиб ўтди.

Ушбу лойиҳа Қирғизистон аҳолисини ипотека кредитлаш тизими бўйича арзон уй-жой билан таъминлайди.

Учрашув давомида А.Касималиев энергетика соҳасидаги лойиҳаларни амалга ошириш ҳақида гапирди ҳамда «Қамбар-ота ГЭС-1 гидроэлектростанциясини  қуриш лойиҳасини тақдим этди». Вазирлар Маҳкамаси раиси биринчи ўринбосарининг сўзларига кўра, ушбу лойиҳа Марказий Осиёдаги энг йирик энергетика лойиҳаларидан бирига айланади ва Қирғизистон учун стратегик муҳим лойиҳадир».

Ислом тараққиёт банки директори, ўз навбатида, ушбу энергетика лойиҳасини амалга ошириш муҳимлигини тасдиқлади ва банкнинг уни молиялаштиришда иштирок этиш имкониятини кўриб чиқишга тайёрлигини таъкидлади.

Банк томонидан Республикада жами 27 миллион доллардан ортиқ 500 лойиҳа амалга оширилди ва қиймати 200 миллион доллардан ортиқ лойиҳалар амалга оширилмоқда.