Қирғизистон Республикаси Вазирлар Маҳкамаси раисининг ўринбосари Эдил Байсалов мамлакатнинг 50 дан ортиқ нодавлат ва нотижорат ташкилотлари вакиллари билан учрашув ўтказди.

Йиғилишда яқинда қабул қилинган ННТ тўғрисидаги қонунга киритилган ўзгартишлар ва уларни ушбу ташкилотларнинг амалий фаолиятида қўллаш масалалари муҳокама қилинди.

Э.Байсалов ННТ ларнинг Қирғизистонда демократик институтлар ва фуқаролик жамиятини ривожлантиришга қўшган ҳиссасини қайд этди.

«Энг муҳими, барча ҳуқуқ ва эркинликлар, сиёсий фаолиятда очиқ иштирок этиш имкониятлари сақланиб қолади. Давлат раҳбари ҳам буни бир неча бор таъкидлаган. Талаб қилинадиган ягона нарса-рўйхатдан ўтиш ва рўйхатга олиш китобига аъзо бўлиш. Бу норма дунёда жуда кенг тарқалган. Фаолият бўйича ҳеч қандай таъқиб ёки чекловлар бўлмайди. Биз сизнинг мамлакатимиз манфаати учун муваффақиятли фаолиятингиздан манфаатдормиз», — деди Эдил Байсалов.

Фото: Қирғизистон Республикаси Вазирлар Маҳкамасининг расмий веб-сайти