Казакстан Республикасынын өнөр жай жана курулуш министри Канат Шарлапаев «Xinxing group»нун башкы директорунун милдетин аткаруучу Е Маолин жетектеген Кытай делегациясынын өкүлдөрү менен жолугушту.

«Xinxing group» компаниясынын өкүлдөрү 2024-жылдын жаз айларында түтүк заводун куруу үчүн сырье базасы менен таанышуу максатында Текели тоо-кен байытуу комбинатынын (ТГКК) жана Соколовско-Сарыбай тоо-кен байытуу бирикмесинин (ССГПО) өндүрүш участокторуна барышкан.

Акыркы жолугушууда «Xinxing group»унун жетекчилиги эгер инженердик тармактарды курууга жана модернизациялоого кепилдик берилсе,  Казакстанда завод курууга даяр экенин расмий билдирген.

Республиканын өнөр жай жана курулуш министри ишкана курулган учурда инженердик тармактарды куруу жана модернизациялоо учурунда кепилденген сатып алуу укугуна ээ боло тургандыгын ырастады.