Кыргызстан Ислам өнүктүрүү банкы менен “Шариат стандарттары боюнча арзан турак-жайды каржылоо” долбоору боюнча 79 миллион долларлык келишимге кол койду.

Кол коюу аземи министрлер кабинетинин төрагасынын биринчи орун басары Адылбек Касымалиев менен Ислам өнүктүрүү банкынын (ИӨБ) президенти Мохаммед Сулайман Аль-Жасирдин жолугушуусунда болду.

Бул долбоор Кыргызстандын калкын ипотекалык насыялоо системасы аркылуу жеткиликтүү турак жай менен камсыздайт.

Жолугушуунун жүрүшүндө А.Касымалиев энергетика тармагындагы долбоорлорду ишке ашырууга да токтолуп, «Камбар-Ата ГЭС-1» гидроэлектростанциясын куруу долбоору менен тааныштырды, «Борбор Азиядагы эң ири энергетикалык долбоорлордун бири болуп калат жана Кыргызстан үчүн стратегиялык маанилүү долбоор” деп билдирди министрлер кабинетинин төрагасынын биринчи орун басары,

Ислам өнүктүрүү банкынын директору өз кезегинде бул энергетикалык долбоорду ишке ашыруунун маанилүүлүгүн ырастап, банктын аны каржылоого катышуу мүмкүнчүлүгүн кароого даяр экенин белгиледи.

Жалпысынан банк республикада жалпы суммасы 500 миллион доллардан ашык суммага 27 долбоорду ишке ашырды.