Сәуір айының соңында Тәжікстан Республикасы Премьер-Министрінің бірінші орынбасары Хоким Холикзода Корея Республикасының Төтенше және Өкілетті Елшісі Квон Дон Сокпен кездесті.

Тараптар сауда-экономикалық және инвестициялық ынтымақтастықты кеңейту және одан әрі дамыту мәселелерін талқылады.

Кездесуге қатысушылар Тәжікстан Республикасының аумағында толық циклді мақта-талшық, күн батареялары, аккумуляторлар, электромобильдер өндіру бойынша бірлескен кәсіпорындар құру, сондай-ақ «жасыл экономика» жобаларын, цифрландыру және технологиялық парктер құру саласындағы жобаларды іске асыру мәселесін талқылауға ерекше назар аударды. Сондай-ақ, сауда рәсімдерін жеңілдету және «электрондық сауда»жүйесін енгізу мәселелері қаралды.