Қазақстандық университеттер халықаралық аренада өз позицияларын нығайтуды жалғастыруда. QS Asia University Rankings 2025 соңғы рейтингіне сәйкес, 35 қазақстандық ЖОО, оның ішінде 13 Алматыдан Азияның үздік жоғары оқу орындарының қатарына кірді.

Айта кетейік, қазақстандық жоғары оқу орындары оң динамиканы көрсетуде: олардың көпшілігі өткен жылмен салыстырғанда өз позицияларын жақсартты. Мәселен, Әл-Фараби атындағы Қазақ ұлттық университеті мен Satbayev University рейтингтің бірінші жүздігіне кірді.

Жоғары оқу орындарын бағалау үшін QS академиялық бедел, жұмыс берушілердің пікірі, студенттер мен оқытушылар санының арақатынасы, сондай-ақ ғылыми жарияланымдар сияқты өлшемдерді ескереді.

Фото: Алматы қаласының әкімдігі