Астана, 2026 жылғы 23 қазан – Karavan Info ақпараттық агенттігі. Энергетика министрлігі 2028 жылға қарай энергетикалық ресурстардың 80%-ын толық цифрлық бақылаумен қамтуды жоспарлап отыр. Бұл көрсеткіш 2026 жылы 20%-ға, ал 2027 жылы 60%-ға жетеді. Бұл туралы «Цифрлық Қазақстан» стратегиясы аясында жанар-жағармай материалдарын (ЖЖМ) тарату нысандарын жергілікті жерде тексеруден кейін хабарланды.

Іс-шараға Энергетика министрінің орынбасары Бақытжан Ілияс, Қазақстан отыны қауымдастығының және «Ақпараттық-есеп орталығы» акционерлік қоғамының өкілдері қатысты. Жанармай құю станциясы мен мұнай қоймасында қатысушылар мұнай өнімдерін өлшеу және есепке алу жүйелерімен, сондай-ақ қабылдау, сақтау және беру процестерімен таныстырылды. Деректердің сенімділігіне, автоматтандырылған беру, ақпараттық жүйелерді интеграциялауға және мұнай өнімдері айналымын цифрлық бақылауға ерекше назар аударылды.

Мұнай мен мұнай өнімдерінің қозғалысын ұңғымадан жанармай құю станциясына дейінгі барлық кезеңдердегі бірыңғай цифрлық есепке алу жүйесі деректерді салыстыруды қамтамасыз етеді, сәйкессіздіктерді анықтайды, шығындарды азайтады және ашықтықты қамтамасыз етеді. Министрлік бірыңғай цифрлық есепке алу және бақылау жүйесін дамытуды жалғастырады.

Фото: Қазақстан Республикасы Энергетика министрлігі