Алматыда «Ядролук илим жана технология» деген V — эл аралык масштабдуу илимий форум башталды.   Бул окуя казак элинин көрүнүктүү окумуштуусу К.И.  Сатпаевдин  туулганынын 125 жылдыгына арналган.  Иш-чара ядролук физиканын актуалдуу маселелерин жана аны түрдүү тармактарда колдонууну талкуулоочу аянтча болуп калды.

«Акыркы бир нече жыл ичинде ата мекендик ядролук илимдин академиялык көрсөткүчтөрүнө жогорку даражалуу эл аралык илимий журналдарда 500дөн ашык басылмалар киргизилген. Бул ата мекендик ядролук изилдөөлөрдүн жогорку деңгээлин көрсөтүп турат”, — деп бөлүштү Казакстан Республикасынын Президентинин алдындагы Улуттук илимдер академиясынын президенти Ахылбек Куришбаев.

Форумга 15 өлкөдөн 300дөн ашык окумуштуулар жана адистер катышат. Алар ядролук физика, ядролук энергетика, радиациялык экология тармагындагы акыркы жетишкендиктерди, ошондой эле ядролук технологияларды медицинада, өнөр жайда жана айыл чарбасында колдонуу маселелерин талкуулашат.

Форумдун алкагында бир нече ири конференциялар, анын ичинде Ядролук жана радиациялык физика боюнча 15-эл аралык конференция жана Медицина, өнөр жай жана айыл чарбадагы ядролук жана радиациялык технологиялар боюнча 4-эл аралык конференция болот. Мындан тышкары, жогорку энергия физикасына арналган 8-CERN мектеби уюштурулат.

Ядролук физика институту менен Кытайдын, Өзбекстандын жана Түркиянын алдыңкы илимий борборлорунун ортосунда илимий кызматташуу боюнча меморандумдарга кол коюу форумдун маанилүү окуяларынын бири болду. Форум 11-октябрга чейин уланат.

Сүрөт: “Караван инфо” маалымат агенттиги