Республика сарайында Қазақстан Республикасы күніне арналған мерекелік концерт өтті. Іс-шараға түрлі салалардың өкілдері қатысты: мемлекет қайраткерлері, мәдениет қайраткерлері, ардагерлер мен жастар.

Концерт Мемлекеттік Туды салтанатты түрде шығарып, мемлекеттік әнұранды орындаудан басталды. Кеш барысында SteppeSons тобы, Карина Абдуллина, Aro және Жұбаныш Жексенұлы, Жанар Дугалова, ALPHA тобы және басқа да танымал қазақстандық әртістердің орындауында патриоттық әндер шырқалды. Сондай-ақ, көрермендер Байғали Серкебаев пен жас орындаушы Kyle Ruh-тың өнерін тамашалады, ал «Дос-Мұқасан» ұжымы өздерінің әйгілі хиттерін орындады.

Wake up балетінің би және шығармашылық нөмірлері ерекше әсер қалдырды. Концерттің шарықтау шегі Халық әртісі Роза Рымбаева мен Қазақстан Республикасының еңбек сіңірген қайраткері Біржан Хасанғалиевтің орындауындағы «Атамекен» композициясы болды.

Фото: Алматы қаласының әкімдігі