«Қазақстандағы ИКАО апталығы» аясында көлік министрі Марат Қарабаев пен ИКАО еуропалық және Солтүстік Атлантикалық бюросының өңірлік директоры Николас Ралло арасында маңызды кездесу өтті. Тараптар азаматтық авиация саласындағы ынтымақтастықтың келешегін талқылады.

Кездесудің негізгі нәтижелерінің бірі Қазақстанда 2025 жылы ИКАО-ның екі өңірлік семинарын өткізу ұсынысы болды. Семинар тақырыптары: авиация саласындағы гендерлік теңдік және авиациялық оқиғаларды тергеу.

ИКАО Қазақстанның азаматтық авиация саласындағы жетістіктерін жоғары бағалайды. Ел өзінің авиациялық инфрақұрылымын белсенді түрде жаңғыртуда, озық технологияларды енгізуде және ұшу қауіпсіздігінің деңгейін арттыруда.

Фото: ҚР көлік министрлігі