Абу-Даби, 2026 жылғы 28 тамыз – Karavan Info ақпараттық агенттігі. ҚР Сыртқы істер министрінің орынбасары Арман Исағалиев Біріккен Араб Әмірліктері Сыртқы істер министрлігінің кеңесшісі Омар Убайд Әл-Хесан Әл-Шамсимен және БАӘ Сыртқы істер министрінің халықаралық даму және ұйымдар жөніндегі көмекшісі Сұлтан Мұхаммед Әл-Шамсимен келіссөздер жүргізді. Тараптар саяси диалогты тереңдету, сауда-экономикалық және инвестициялық ынтымақтастықты кеңейту, сондай-ақ консулдық өзара іс-қимылды дамыту мәселелерін талқылады. БАӘ Қазақстандағы ең ірі бес шетелдік инвестордың қатарына кіреді. Жоғары деңгейдегі келісімдерді жүзеге асыруға өзара мүдделілік расталды.

Исағалиев Әмірліктер тарабын Президент Қасым-Жомарт Тоқаевтың Халықаралық су ұйымын құру бастамасы туралы хабардар етті. Сондай-ақ, олар 8-10 желтоқсанда Абу-Дабиде өтетін БҰҰ-ның Үшінші су конференциясына дайындық мәселелерін талқылады.

Қазақстан делегациясына БАӘ Сыртқы істер министрлігінің цифрлық платформасы және оның консулдық қызметтерді жақсарту әлеуеті таныстырылды. Тараптар консулдық қызметті цифрландыру бойынша тәжірибе алмасуға мүдделі.

Келіссөздер барысында БҰҰ, ИЫҰ және АҚИҰ шеңберіндегі ынтымақтастық, сондай-ақ аймақтық күн тәртібіндегі өзекті мәселелер талқыланды.

Фото : Қазақстан Республикасы Сыртқы істер министрлігі