Мюнхен, 2026 жылғы 17 қыркүйек – Karavan Info ақпараттық агенттігі. Мюнхенде Экономикалық, ғылыми және ауыл шаруашылығы саласындағы ынтымақтастық жөніндегі Қазақстан-Бавария жұмыс тобының бірінші отырысы өтті. Кездесуді ҚР Өнеркәсіп және құрылыс вице-министрі Олжас Сапарбеков пен Баварияның Еуропалық және халықаралық істер жөніндегі мемлекеттік министрі Эрик Бейсвенгер тең төрағалық етті.

Іс-шараға екі елдің тиісті мемлекеттік органдарының, даму институттарының және бизнес қауымдастықтарының өкілдері қатысты. Тараптар шикізат, энергетика, қоршаған ортаны қорғау технологиялары, машина жасау және су ресурстарын басқару салаларындағы инновациялар мен жоғары технологияларды дамытуға, сондай-ақ ауыл шаруашылығындағы ынтымақтастыққа баса назар аудара отырып, ынтымақтастықтың басым бағыттарын талқылады.

Қала құрылысы мен көлік саласындағы ынтымақтастықтың, сондай-ақ ғылыми және білім беру мекемелері мен Бавария бизнес қауымдастығының қатысуымен дуалды (өндірістікпен біріктірілген) кәсіптік білім беруді дамытудың перспективалары бөлек қарастырылды.

Кездесу қорытындысы бойынша тараптар практикалық ынтымақтастықты дамытуға өзара мүдделіліктерін растады және бірлескен бастамаларды іске асырудың нақты тетіктерін әзірлеу бойынша жұмысты жалғастыруға келісті.

Фото : Қазақстан Республикасы Индустрия және құрылыс министрлігі