Қазақстан мен Франция сыни ресурстар мен материалдар саласындағы стратегиялық әріптестікті тереңдетуге бағытталған жаңа Жол картасына қол қойды. Елисей сарайында қол қойылған құжат алдағы жылдарға арналған ынтымақтастықтың негізгі бағыттарын анықтайды.

Ынтымақтастықтың негізгі бағыттарына мыналар жатады: тұрақты жеткізу тізбегін құру, олардың тұрақтылығын арттыру, бірлескен ғылыми зерттеулер, білім беруді дамыту және ESG бастамалары. Серіктестік шеңберінде шикізатты барлау және өндіру, электрондық сынықтар мен магниттерді қайта өңдеу, аккумуляторлар өндіру және «жасыл стандарттарға»көшу жөніндегі жобаларды іске асыру жоспарлануда.

Тау-кен және металлургия компанияларына бірлескен инвестицияларға ерекше назар аударылатын болады. Француз сыни металдар қоры мен АФД осы жобаларды жүзеге асыруда маңызды серіктес болады.

Фото: ҚР өнеркәсіп және құрылыс министрлігі