Қазақстан экология министрі Еран Нысанбаев пен Халықаралық Азаматтық авиация ұйымының (ИКАО) еуропалық және Солтүстік Атлантикалық бюросының директоры Николя Ралло авиацияның тұрақты дамуы мен қоршаған ортаны қорғау мәселелерін талқылады. Тараптар осы саладағы халықаралық ынтымақтастықтың маңыздылығын атап өтіп, бірлескен жұмысқа дайын екендіктерін білдірді.

Қазақстан авиация саласында көміртегі ізін азайту үшін ИКАО-ның халықаралық стандарттарын белсенді түрде енгізуде. Ел халықаралық авиацияда көмірқышқыл газының шығарындыларын өтеу және азайту тетіктеріне қатысады. Бұдан басқа, ИКАО Қазақстанға техникалық көмек көрсетеді, оқыту бағдарламаларын жүргізеді және экологиялық таза авиациялық технологиялар саласындағы зерттеулерді қолдайды.

Кездесу қорытындысы бойынша тараптар қоршаған ортаны қорғау және Орталық Азияның авиация саласында орнықты технологияларды енгізу мәселелері бойынша одан әрі жемісті ынтымақтастыққа үміт білдірді.

Фото: ҚР экология және табиғи ресурстар министрлігі