Оңтүстік Кореяның Пусан қаласында Қазақстанның экология және табиғи ресурстар вице-министрі Жасұлан Әлиевтің Кореяның климаттың өзгеруі және көміртегі бейтараптығы мәселелері жөніндегі министрінің орынбасары Ан Си-Чангпен кездесуі өтті. Келіссөздер барысында тараптар қоршаған ортаның ластануына қарсы күреске ерекше назар аудара отырып, өзара іс-қимылдың перспективалық бағыттарын талқылады.

Негізгі тақырыптардың бірі пластиктің өмірлік циклін бақылау болды. «Біз үшін экологиялық сын — қатерлерге тиімді қарсы тұру үшін заманауи технологияларды енгізу және халықаралық әріптестермен тәжірибе алмасу маңызды», — деп атап өтті Жасұлан Әлиев.

Келіссөздер сонымен қатар 1 желтоқсанда Пусанда аяқталған пластикалық ластануға қарсы халықаралық шарттың ағымдағы талқылауларымен байланысты. Ан Си-Чанг: «Бірлескен күш-жігер тұрақты дамуға және әлемдегі экологиялық жағдайды жақсартуға негіз болады», — деп атап өтті. Фото: ҚР экология және табиғи ресурстар министрлігі