Астана, 2026 жылғы 16 қыркүйек – Karavan Info ақпараттық агенттігі. Қазақстан Президенті Қасым-Жомарт Тоқаевтың Корея Республикасына мемлекеттік сапары аясында Қазақстан Ұлттық академиялық кітапханасы мен Корея Ұлттық кітапханасының өкілдері арасында кездесу өтті. Тараптар кәсіби ынтымақтастықты дамыту, мәдени және ғылыми мұраны сақтау, кітапхана саласын цифрлық түрлендіру, жасанды интеллект технологияларын енгізу және тәжірибе алмасу мәселелерін талқылады. Кездесу қорытындысы бойынша ынтымақтастық туралы меморандумға қол қойылды.

Құжат кәсіби байланыстарды кеңейтуге, бірлескен бастамаларды жүзеге асыруға және заманауи кітапхана технологиялары саласында тәжірибе алмасуға қосымша мүмкіндіктер туғызады.

«Біз кореялық әріптестерімізбен ынтымақтастықты нығайтуға мүдделіміз. Меморандум бірлескен жобаларды жүзеге асыру және заманауи шешімдерді енгізу үшін жаңа мүмкіндіктер ашады», — деп атап өтті ҚР Мәдениет және ақпарат министрлігінің баспасөз қызметі .

Фото: pixabay/Hermann