Варшавада Қазақстан мен Польша арасында кезекті саяси консультациялар өтті. Тараптар саясат, экономика және мәдениетті қоса алғанда, екіжақты ынтымақтастықтың кең ауқымды мәселелерін талқылады.

Жоғары деңгейде қол жеткізілген уағдаластықтарды іске асыруға ерекше назар аударылды. Қазақстандық тарап Польшамен көпжоспарлы ынтымақтастықты нығайтудың маңыздылығын атап өтіп, қарым-қатынастарды одан әрі дамытуға дайын екендігін білдірді. Поляк тарапы өз кезегінде ынтымақтастықты арттыруға деген ұмтылысын растады.

Сапар барысында қазақстандық делегация Польша үкіметі мен бизнес өкілдерімен бірқатар кездесулер өткізді. Сауданы дамыту, бірлескен жобаларды іске асыру, сондай-ақ халықаралық ұйымдар шеңберіндегі ынтымақтастықты нығайту мәселелері талқыланды. Тараптар келесі жылы Астанада экономикалық ынтымақтастық жөніндегі қазақстан-польша үкіметаралық комиссиясының 10-шы отырысын өткізу туралы уағдаласты.

Сонымен қатар, мәдени және гуманитарлық саладағы ынтымақтастық, сондай-ақ екі ел парламенттері арасындағы өзара іс-қимыл мәселелері қозғалды.

Фото: ҚР СІМ