Астана, 2026 жылғы 24 қыркүйек – Karavan Info ақпараттық агенттігі. Астанада Қазақстан мен Швейцарияның авиация биліктері арасындағы келіссөздер өтті. Тараптар тағайындалған әуе компанияларына аптасына 28 жолаушы рейсін орындауға мүмкіндік беретін және жиілік немесе көлем шектеулерінсіз жүк рейстері үшін құқықтық негіз жасайтын Өзара түсіністік туралы меморандумға қол қойды.
Қазақстан делегациясын Көлік министрлігі Азаматтық авиация комитетінің төрайымы Салтанат Томпиева басқарды. Швейцария делегациясын Швейцария Азаматтық авиация федералды басқармасының келіссөздер бөлімінің басшысы Лоран Ноэль басқарды. Келіссөздерге Kazakh және Swiss әуе компанияларының, Базель әуежайының, ҚР Сыртқы істер министрлігінің және Швейцария елшілігінің өкілдері қатысты.
Тараптар тікелей әуе қатынасын дамыту перспективаларын және жаңа бағыттарды ашудың практикалық аспектілерін талқылады. Келіссөздерден кейін Әуе қатынасы туралы келісім жобасының мәтіні де келісілді және кейіннен қол қою үшін алдын ала қол қойылды. Бұл құжат екі ел арасындағы әуе қатынасын одан әрі дамытудың жаңартылған құқықтық негізін құрайды.
Швейцария тарапы тікелей әуе қатынасын дамытудың әлеуетін көріп отырғанын және Қазақстанға тұрақты рейстер ашу мүмкіндігін қарастырып жатқанын мәлімдеді.
Фото : Қазақстан Республикасы Көлік министрлігі