Бүгін ҚР өнеркәсіп және құрылыс министрі Қанат Шарлапаев Словакия Премьер-Министрінің орынбасары Роберт Калинякпен кездесті. Келіссөздер барысында тараптар қорғаныс-өнеркәсіп саласындағы екіжақты ынтымақтастықты кеңейту перспективаларын талқылады.

Бірлескен жобалар мен озық технологиялармен алмасу мәселелеріне ерекше назар аударылды. Тараптар өндірістерді оқшаулауды және жоғары технологиялық кәсіпорындарды басқаруда тәжірибе алмасуды қоса алғанда, өңдеу өнеркәсібі саласындағы ынтымақтастықты дамытуға қызығушылық білдірді.

Министрлер екі елдің экономикалық және өнеркәсіптік дамуы үшін екіжақты қатынастарды нығайтудың маңыздылығын атап өтті.

Фото: ҚР өнеркәсіп және құрылыс министрлігі