Астана, 2026 жылғы 7 қыркүйек – Karavan Info ақпараттық агенттігі. Қазақстан Сыртқы істер министрінің орынбасары Арман Исағалиев Түркияның Қазақстандағы елшісі Мұстафа Капучумен кездесті. Тараптар екі ел арасындағы кеңейтілген стратегиялық серіктестіктің қазіргі жағдайы мен даму перспективаларын талқылады.

Әңгіме барысында саяси, дипломатиялық, сауда-экономикалық, мәдени-гуманитарлық және білім беру салаларындағы ынтымақтастықты одан әрі нығайту бойынша пікір алмасу болды. Тараптар мемлекет басшыларының сапарлары барысында қол жеткізілген келісімдерді жүзеге асыру және екіжақты қарым-қатынастарды одан әрі дамыту үшін бірлесіп жұмыс істеуді жалғастыруға дайын екендіктерін растады.

Фото : Қазақстан Республикасы Сыртқы істер министрлігі