Қазақстан Орталық Азиядағы аккумулятор өндірісінің орталығына айналуы мүмкін.
Астана, 2026 жылғы 18 шілде – Karavan Info ақпараттық агенттігі. Қазақстан Президенті Қасым-Жомарт Тоқаев Шанхайда Contemporary Amperex Technology Co. Ltd. (CATL) компаниясының директорлар кеңесінің тең төрағасы Пань Цзяньмен кездесті. Тараптар жоғары технологиялық салалардағы ынтымақтастықтың болашағын талқылады.
Мемлекет басшысы компанияның Қазақстанда аккумулятор шығаратын зауыт салу ниетін құптады. Бұл нысан Орталық Азиядағы осыған ұқсас алғашқы жоба болуы мүмкін.
«Қазақстанда шикізатты өңдеуден бастап дайын өнім өндіруге дейінгі толық өндірістік циклды дамытуға барлық мүмкіндіктер бар», —деп атап өтті Президент.
Өз кезегінде Пан Цзянь компания Қазақстанды бірлескен жобаларды жүзеге асыру үшін сенімді серіктес ретінде қарастыратынын атап өтті.
«CATL Қазақстанды компания қызметінің негізгі салаларында маңызды және сенімді серіктес ретінде қарастырады», — деп мәлімдеді корпорация басшысы.
Сонымен қатар, қытайлық компания Қазақстанның 2060 жылға қарай көміртегі бейтараптығына қол жеткізу стратегиялық мақсатына үлес қосуға дайын екенін білдірді.
CATL электромобиль аккумуляторларын өндірудегі әлемдік көшбасшы болып табылады, әлемдік нарықтың шамамен 40%-ын құрайды. 2025 жылдың соңына қарай компанияның сату көлемі 661 ГВт/сағ-қа жетіп, кірісі 62,6 миллиард долларды құрады.
