Қазақ құрылыс және сәулет ғылыми-зерттеу және жобалау институтында (ҚазҚСҒЗИ) «бір терезе»қағидаты бойынша құрылысты ұйымдастыру үшін мемлекеттік порталға жеке ақпараттық жүйелерді интеграциялауға бағытталған кездесу өтті. Бұл қадамның мақсаты — құрылыс процесінің барлық қатысушыларын біріктіретін бірыңғай цифрлық платформа құру.

«ҚазҚСҒЗИ» АҚ портал операторы ретінде құрылыс саласы үшін инновациялық цифрлық шешімдерді ұсынатын «Iqurylys» ЖШС компаниясы үшін тұсаукесер өткізді. Тараптар жеке әзірлемелерді мемлекеттік порталмен интеграциялау мүмкіндіктерін талқылады, бұл құрылыс процестерінің тиімділігі мен ашықтығын арттыруға мүмкіндік береді.

Кездесу барысында бірлескен жұмыстың техникалық талаптары мен перспективалары айқындалды. Жеке жүйелерді мемлекеттік порталмен интеграциялау құрылыс процесінің барлық қатысушылары өзекті ақпаратқа қол жеткізе алатын және нақты уақыт режимінде өзара іс-қимыл жасай алатын бірыңғай ақпараттық орта құруға мүмкіндік береді.

Фото: ҚР өнеркәсіп және құрылыс министрлігі