Астана, 2026 жылғы 5 тамыз – Karavan Info ақпараттық агенттігі. ҚР Сыртқы істер министрінің орынбасары Арман Исағалиев Қытай Халық Республикасының Төтенше және Өкілетті Елшісі Хан Чуньлинді қабылдады. Тараптар екіжақты ынтымақтастықтың кең ауқымды мәселелерін, соның ішінде биылғы жылы өткізілген жоғары деңгейдегі келіссөздердің нәтижелерін және алдағы сапарлар кестесін талқылады.

Көпжақты форумдардағы үйлестіруге және халықаралық және аймақтық күн тәртібіндегі өзекті мәселелерге ерекше назар аударылды. Кездесу қорытындысы бойынша тараптар үнемі байланыста болуға және өзара мүдделі барлық салаларда ынтымақтастықты жалғастыруға келісті.

Фото : Қазақстан Республикасы Сыртқы істер министрлігі