Қазақ ұлттық өнер университетінің «Вокалдық өнер» кафедрасының 4-курс студенті Нұрсұлтан Әнуарбек Мәскеуде өткен XXVIII халықаралық «Романсиада-2024» орыс романс байқауында бірінші орынды иеленді. Бұл байқау Ресей Федерациясының Мәдениет министрлігінің қамқорлығымен өткізіледі және ТМД елдері мен Еуропадағы аймақтық кезеңдерді қамтиды. Осы кезеңдердің жеңімпаздары Мәскеудегі финалға қатысуға құқылы.

Қазақстанда «Қазақ романсиадасы» деп аталатын байқаудың өңірлік кезеңі Түркістанда өткізіледі, онда Нұрсұлтан Әнуарбек те жеңіске жетті, бұл оған елді халықаралық аренада таныстыруға мүмкіндік берді.

Нұрсұлтан Әнуарбек Италиядағы «Caruso — De Curtis» халықаралық байқауының бірінші сыйлығын және «Қазақ романсиадасы»байқауының Гран-приін қоса алғанда, көптеген беделді марапаттардың лауреаты болып табылады.

Фото: ҚР Мәдениет және ақпарат министрлігінің баспасөз қызметі