«Қазақконцерт» Қазақ мемлекеттік симфониялық оркестрі Еуропаның ең беделді сахналарының бірі – Чехияның «Рудольфинум»концерт залында үлкен табыспен өнер көрсетті.

Қазақстандық музыканттардың концерті Қазақстан мен Чехия арасындағы мәдени байланыстарды нығайту мақсатында ұйымдастырылды. Көрермендер жоғары кәсіби музыканттардың орындауындағы қазақ және әлемдік классикалық музыканың жауһарларын тамашалай алды.

Әлемге әйгілі скрипкашы Айман Мұсахаджаеваның бастамасымен құрылған Қазақ мемлекеттік симфониялық оркестрі шебер техникасы мен музыкалық шығармаларды терең түсінетін дарынды музыканттарды біріктіреді. Оркестр бүкіл әлем бойынша белсенді гастрольдік сапармен жүреді және қазақстандық мәдениетті жоғары деңгейде ұсынады.

Фото: ҚР Мәдениет және ақпарат министрлігінің баспасөз қызметі