Хельсингборг, 2026 жылғы 8 маусым – Karavan Info ақпараттық агенттігі. Қазақстанның үстел теннисінен өкілі Алан Құрманғалиев Швецияның Хельсингборг қаласында өткен WTT Youth Contender турнирінде (Халықаралық үстел теннисі федерациясының жастар турнирі) жеңіске жетті.

Қазақстандық 19 жасқа дейінгі санатта алтын медаль жеңіп алды. Финалда Құрманғалиев поляк Самуэль Мичнаны 3-1 есебімен жеңді.

Турнир барысында Алан Швеция, Венгрия, Үндістан, Польша және Даниядан келген қарсыластарын жеңді. Бұл жеңісі үшін теннисші 1000 рейтингтік ұпай жинады.

Фото: ҚР ҰОК