2024 жылғы 14 қазанда Душанбе қаласында «ҰҚШҰ Ұжымдық қауіпсіздік жүйесінің күштері мен құралдарын дамыту, дайындау және қолдану» тақырыбында халықаралық әскери-ғылыми конференция өтті. Іс-шараға ҰҚШҰ Хатшылығы мен Біріккен штабының делегациялары, сондай-ақ Ұйымға мүше мемлекеттердің қорғаныс ведомстволарының өкілдері қатысты, деп хабарлайды ұйымның баспасөз қызметі.

Қарулы күштер Бас штабының бастығы — Тәжікстан Қорғаныс министрінің бірінші орынбасары генерал-лейтенант Эмомали Собирзода құттықтау сөз сөйледі. Конференция барысында ҰҚШҰ дағдарыстық ден қою жүйесін жетілдіруге баса назар аудара отырып ұжымдық қауіпсіздік жүйесін нығайтудың өзекті мәселелері туралы жан жақты пікір алмасу өткізілді.

ҰҚШҰ Біріккен штабы делегациясының басшысы «ҰҚШҰ Ұжымдық қауіпсіздік жүйесі, жай-күйі және даму бағыттары» тақырыбында баяндама жасады. ҰҚШҰ хатшылығының өкілі «Ақпараттық саладағы өзара іс- қимыл, ҰҚШҰ-ға мүше мемлекеттердің мүддесі үшін үйлестірілген ақпараттық саясат негіздерін қалыптастыру» тақырыбында баяндама жасады. Ұйымның жұмыс органдарының өкілдері де тақырыптық пікірталастарға қатысты.

Фото: ҰҚШҰ баспасөз қызметі