Феодосия бийлиги мунай базасында 7-октябрга караган түнү чыккан өрттөн улам 300дөй адамды эвакуациялоону чечти. Бул тууралуу шаардык мэриянын башчысы Игорь Ткаченко билдирди. Анын айтымында, эвакуациялангандардын айрымдары буга чейин убактылуу жайгаштыруу борборлоруна (УЖБ) жайгаштырылды.

Окуя болгон жерде жабыркагандар катталган жок, бирок Ткаченко өрттүн себебин тактаган жок. Авариялык аймактагы тургундардын коопсуздугун камсыз кылуу үчүн Федко жана Геологическая көчөлөрүндө унаа кыймылы токтотулду. Айдоочулар Керчь шоссеси менен кесилишкен жерден автовокзалдын аймагына чейин кыймыл токтоп турганын эске алуулары керек.

Окуяга байланыштуу Феодосияда техногендик өзгөчө кырдаал режими киргизилген. Ткаченко өзгөчө кырдаал аймагына адамдардын жана транспорттун кирүү мүмкүнчүлүгү чектелгендигин баса белгиледи.

“Деңиз мунай терминалы” ААК Геологическая көчөсүндө жайгашкан, ал мунай жана мунай продуктуларын ташуу, сактоо жана кайра жүктөө боюнча Крымдагы эң ири компания болуп саналат. Ишкананын резервуар паркынын көлөмү 258 миң куб. метрди түзөт.  2023-жылдын акырына карата абал боюнча, анын кирешеси 911,19 миллион рублди, жоготуу — 200,66 миллион рублди түзгөн.

Кошумчалай кетсек, Орусиянын Коргоо министрлиги өткөн түнү Крымдын аймагында 12 учкучсуз учак жок кылынганын билдирген. Бул окуя Пермь жана Воронеждин жанындагы мунай кампаларындагы ар кандай себептерден улам, анын ичинде украиналык учкучсуз учактардын чабуулдарынан улам болгон соңку өрттөрдүн фонунда өттү.

Сүрөт: Сергей Малгавко / ТАСС