Алматыда Армения, Қазақстан, Қырғызстан, Тәжікстан және Өзбекстанды біріктірген Азаматтық авиацияның Еуразиялық конференциясының (EАCAC) бірінші отырысы өтті. EACAC құрудың мақсаты-аймақ елдерінің авиациялық билігі арасындағы ынтымақтастықты нығайту, ұшу қауіпсіздігін арттыру, рәсімдерді жеңілдету және авиациялық нарықты дамыту.

Қазақстан ЕАСАС құру бастамасында шешуші рөл атқарды. ҚР Көлік вице-министрі Талғат Ластаев ұйымның Бас хатшысы болып сайланды. Ол EACАС қатысушы елдердің авиациялық билік орындарына тиімді өзара іс-қимыл жасауға, тәжірибе және білім алмасуға, сондай-ақ халықаралық аренада бірыңғай ұстаным қалыптастыруға мүмкіндік беретінін атап өтті.

Отырысқа қатысушылар EACАС құру туралы декларацияға қол қойып, ұйым қызметінің негізгі бағыттарын бекітті. Олардың ішінде: өңірлік ынтымақтастықты нығайту, жалпы саясат пен рәсімдерді әзірлеу, ұшу қауіпсіздігін арттыру, формальдылықты жеңілдету және ұшқышсыз авиацияны дамыту. Фото: ҚР Көлік министрлігі