15 маусымға қараған түні бортында қазақстандық туристер болған FlyDubai әуе компаниясының екі рейсі Алматыға қонды. Барлығы 332 адам елге оралды — 13 маусымда ұша алмағандар, сондай-ақ жоспарлы жолаушылар.

Еске салайық, Таяу Шығыстағы жағдайдың шиеленісуіне байланысты бірқатар авиакомпаниялар 13 маусымда Дубай мен Абу-Дабиден, соның ішінде Қазақстанға бағыттарды да тоқтатқан болатын. Сондай-ақ Қазақстан Республикасының Азаматтық авиация комитеті Иран, Израиль, Сирия, Ирак, Иордания және Ливан елдерінің әуе кеңістігінің үстінен және оған жақын жерде ұшуға толық тыйым салған болатын.

Уақытында ұша алмаған туристер «Туристик қамкор» КФ құрамына кіретін туроператорлардың есебінен қонақүйлерге орналастырылды. Қалған жолаушыларды қайтару да жоспарлау сатысында және оны ҚР Туризм және спорт министрлігі, Сыртқы істер министрлігі және Қазақстан Елшілігі үйлестіруде.

Фото: Ашық дереккөздер