Астана, 2026 жылғы 23 ақпан – Karavan Info ақпараттық агенттігі . ҚР Сыртқы істер министрлігінде қару-жарақты бақылау, қарусыздану және таратпау бойынша екіжақты консультациялар өтті. Делегацияларды Қазақстан Республикасы Сыртқы істер министрінің бірінші орынбасары Ержан Ашықбаев пен Ресей Федерациясы Сыртқы істер министрінің орынбасары Сергей Рябков басқарды.
Тараптар ядролық қарусыздану және таратпау режимін нығайту, биологиялық қауіпсіздік және экспортты бақылауды қоса алғанда, жаһандық қауіпсіздік мәселелерінің кең ауқымын талқылады.
Дипломаттар тиісті көпжақты құрылымдар: БҰҰ Бас Ассамблеясының Бірінші комитеті, Қарусыздану жөніндегі конференция және алдағы Ядролық қаруды таратпау туралы шарттың он бірінші шолу конференциясы шеңберіндегі бірлескен жұмыстың басымдықтары туралы пікір алмасты.
Кездесу қорытындысы бойынша тараптар осы тақырып бойынша мазмұнды диалогты жалғастыру ниетін растады.
Фото : Қазақстан Республикасы Сыртқы істер министрлігі