БИШКЕК, 2026-жылдын 2-июну – Karavan Info маалымат агенттиги. 1-июнда Бишкекте Кыргыз Республикасынын мамлекеттик катчысы Арслан Койчиев Кытай Эл Республикасынын Улуттар иштери боюнча мамлекеттик комитетинин төрагасы Чэнь Руйфэн жетектеген делегация менен жолугушту.

Жолугушуунун жүрүшүндө тараптар кыргыз-кытай стратегиялык өнөктөштүгүнүн учурдагы абалы жана аны андан ары өнүктүрүүнүн келечектүү багыттары талкууланды.

Арслан Койчиев Кыргыз Республикасы Кытай Эл Республикасы менен достукка, жакшы коңшулукка жана өз ара ишенимге негизделген мамилелерге өзгөчө маани берерин баса белгилеп, эки өлкөнүн ортосундагы кызматташтык бардык тармактарда ырааттуу өнүгүп жатканын белгиледи.

Жолугушуунун жыйынтыгында тараптар өз ара ишенимди жана достук мамилелерди андан ары чыңдоонун, ошондой эле этностор аралык саясатты, коомдук ынтымакты жана маданий-гуманитардык кызматташтыкты өнүктүрүүнүн маанилүүлүгүн белгилешти.

Сүрөт: Кыргыз Республикасынын Президентинин Администрациясы