ООГАНИСТАН, 2026-жылдын 2-августу – Karavan Info маалымат агенттиги. Бириккен Улуттар Уюмунун Өнүктүрүү программасы (БУУӨП) ооган үй-бүлөлөрүнүн 75%ы тамак-аш, турак-жай жана саламаттыкты сактоо кызматтары сыяктуу негизги муктаждыктарын канааттандыра албай жатканын билдирди. Уюм ооган калкынын экономикалык абалын өтө кооптуу деп мүнөздөдү.

Социалдык медиада жарыяланган БУУнун Өнүктүрүү Программасынын видеосунда оогандардын көпчүлүгү экономикалык жактан өтө алсыз шарттарда жашап, негизги муктаждыктарды сатып алууга мүмкүнчүлүгү жок экени белгиленген.

Уюмдун акыркы отчетуна ылайык, БУУӨП өнөктөштөрү менен биргеликте 5 миллиондон ашык муктаж болгон адамга жардам көрсөтөт. Анда колдоо түздөн-түз негизги жашоо шарттарына эң муктаж болгондорго багытталары баса белгиленет.

БУУнун Өнүктүрүү Программасынын маалыматы боюнча, жардамдын олуттуу бөлүгү муктаж үй-бүлөлөрдүн электр энергиясына болгон чыгымдарын төлөөгө, ошондой эле алардын жашоосу үчүн зарыл болгон башка маанилүү чыгымдарды жабууга багытталган.

Уюм бул жардамды жеткирүүдөгү өнөктөштөрүнүн негизги ролун өзгөчө белгилеп, эл аралык коомчулукту Ооганстандагы гуманитардык программаларды колдоону жана калктын эң аялуу катмарларына жардам көрсөтүүнү улантууга чакырды.

Сүрөт: South China Morning Post