5-ноябрда ТПП КРнын АКШдагы бизнес-роуд-шоусунун алкагында Чикагодогу Кыргызстандын Башкы консулдугу жана кыргыз диаспорасынын өкүлдөрү менен маанилүү жолугушуулар өттү.

Башкы консул Болотбек Борбиев менен экономикалык дипломатияны чыңдоо жана америкалык компаниялар үчүн бизнес-миссияларды уюштуруу боюнча кызматташуу келечеги талкууланды. Ал консулдуктун ишмердүүлүгү жана жыйынтыктары жөнүндө айтып берди.

Ошондой эле кыргыз диаспорасынын лидерлери жана АКШдагы кыргыз бизнесинин өкүлдөрү менен жолугушуу өтүп, анда ТПП вице-президенти Толкунай Таалайбекова палатанын миссиясы жана максаттары тууралуу маалымат берди. Kyrgyz Community Center бизнес өкүлдөрү экспорттук-импорттук маселелерди жана палата менен кызматташтыкты өнүктүрүү боюнча сунуштарын талкуулашты.

Ақпарат көзі: сайт https://caravan-info.kg/