Кыргызстан туруктуу экономикасы менен өнөктөштүк үчүн кеңири мүмкүнчүлүктөрдү сунуштайт. Бул тууралуу экономика жана коммерция министри Данияр Амангелдиев Кореянын элчиси Ким Кванджэ менен жолугушууда билдирди.

Ведомствонун басма сөз кызматынан билдиришкендей, тараптардын жолугушуусу бүгүн, 12-декабрда өткөн. 

Ким Кванджэни тосуп жатып, Министр аны маанилүү кызматка дайындалышы менен куттуктап, Кыргыз Республикасы менен Корея Республикасынын ортосундагы мамилелерди мындан ары тереңдетүү жана өнүктүрүү боюнча үмүтүн билдирди.

Жолугушууда Кыргыз Республикасынын Президенти Садыр Жапаровдун 2024-жылдын 2-4-декабрында Корея Республикасына жасаган расмий сапарынын маанисине өзгөчө көңүл бурулду. Бул сапар мамлекеттер аралык байланышты бекемдөөгө багытталган маанилүү кадам болуп, бир катар негизги багыттар боюнча макулдашууларга жетишилген.

Ошондой эле, сапардын жүрүшүндө кол коюлган келишимдер жана меморандумдар талкууланды. Бул документтер биргелешкен долбоорлорду ишке ашырууда, өз ара инвестициялардын көлөмүн көбөйтүүдө жана техникалык жардам программаларын алдыга жылдырууда жаңы түрткү берет деп күтүлүүдө.

Данияр Амангельдиев өзгөчө Мамлекеттер аралык комиссиянын соода, саламаттыкты сактоо, билим берүү, маданият жана спорт сыяктуу тармактардагы прогрессти стимулдаштырууга багытталган ишмердүүлүгүнүн маанилүү ролун белгиледи. Министр ошондой эле Кыргызстандын туруктуу экономикасы жана жагымдуу инвестициялык климаты ар тараптуу кызматташуу үчүн кеңири мүмкүнчүлүктөрдү түзөрүн баса белгиледи.

Өз кезегинде кореялык тарап экономикалык кызматташууну бекемдөөгө, биргелешкен долбоорлорду ишке ашырууга, соода байланыштарын кеңейтүүгө, инновациялык жана технологиялык тармактарда тажрыйба алмашууга, ошондой эле артыкчылыктуу тармактарга инвестиция тартууга кызыкдар экенин билдирди.

Жолугушуунун жыйынтыгында тараптар талкууланган демилгелерди алдыга жылдыруу жана эки тараптуу мамилелерди мындан ары да бекемдөө боюнча ишти улантуу макулдашылды.

Ақпарат көзі: сайт https://caravan-info.kg/